Txirrindularitza eta feminismoa

Bizikletak garrantzi handia izan zuen emakumeen bizitzako hainbat esparrutan, eta bereziki garrantzitsua izan zen 1890eko hamarkadan, Europako eta AEBetako gizartean bizikletarekiko benetako sukarra garatu zenean.^[1][2][3][4]

Aldi horretan, bizikletak mugimendu feministari lagundu zion, emakumeei mugikortasun sozial handiagoa ahalbidetuz.^[3][5] Urte horietan, adibidez, Annie Londonderry feminista izan zen munduan zehar bizikletaz bidaiatu zuen lehen emakumea.^[6][7][8] Bestalde, bere prezioagatik eta enpresa estatubatuarrek eskaintzen zituzten finantzaketa-modu desberdinengatik, bizikleta herritar gehienen eskura zegoen.^[3] Hala ere, askoz eragin handiagoa izan zuen klase ertain eta altuko emakume zurietan.^[3] Horrek guztiak gizartean zuen papera eraldatu zuen, zaintzaile, emazte eta ama gisa eremu pribatu edo etxekora baztertuak izatetik presentzia publiko handiagoa eta komunitatean inplikazio handiagoa izatera pasatuz.^[3][9] XXI. mendean ere, bizikletaz ibiltzea gai polemikoa da oraindik, Saudi Arabia eta Iran bezalako herrialdeetako feministek jorratua.

1. ↑ Willard, Frances Elizabeth. (1895). A wheel within a wheel. How I learned to ride the bicycle, with some reflections by the way. New York : F.H. Revell Co. (Noiz kontsultatua: 2023-07-07).
2. ↑ «Image 6 of Elizabeth Cady Stanton Papers: Speeches and Writings, 1848-1902; Articles; Undated; "Shall Women Ride the Bicycle?" undated» Library of Congress, Washington, D.C. 20540 USA (Noiz kontsultatua: 2023-07-07).
3. ↑ ^{a b c d e} Harmond, Richard. (1971). «Progress and Flight: An Interpretation of the American Cycle Craze of the 1890s». Journal of Social History 5, 235-257 or. (Noiz kontsultatua: 2023-07-07).
4. ↑ Rubinstein, David. (1977). «Cycling in the 1890s» Victorian Studies 21 (1): 47–71. ISSN 0042-5222. (Noiz kontsultatua: 2023-07-07).
5. ↑ (Ingelesez) Hallenbeck, Sarah. (2010-09-27). «Riding Out of Bounds: Women Bicyclists' Embodied Medical Authority» Rhetoric Review 29 (4): 327–345.  doi:10.1080/07350198.2010.510054. ISSN 0735-0198. (Noiz kontsultatua: 2023-07-07).
6. ↑ (Ingelesez) Blickenstaff, Brian. (2016-09-22). «Throwback Thursday: Annie Londonderry, the Self-Promoting Feminist Who Biked Around the World» Vice (Noiz kontsultatua: 2023-07-07).
7. ↑ (Ingelesez) «10 Things you Didn't Know about Annie Londonderry» Total Women's Cycling (Noiz kontsultatua: 2023-07-07).
8. ↑ (Ingelesez) «First woman to cycle the globe begins journey» Jewish Women's Archive (Noiz kontsultatua: 2023-07-07).
9. ↑ Petty, Ross D.. (2010). «Bicycling in Minneapolis in the Early 20th Century». Minnesota History 62, 66-101 or..